A Vicepresidencia da Deputación de Lugo organiza un concerto de Airiños da Freba na Praza de Riazón, de Taboada, o vindeiro sábado, 18 de decembro. A actuación coincidirá coa primeira edición do mercado “Petiscos de Nadal”, organizado pola Asociación de Comerciantes e Industriais do Municipio de Taboada.

O mercado, que nace coa vontade consolidarse como unha cita de referencia para a promoción e venda dos produtos artesáns da Ribeira Sacra inauguraráse ás 12.00 horas. Contará coa participación de firmas artesás e agroalimentarias da comarca e cun programa de actividades lúdicas e culturais para animar a asistencia como catas, demostracións de artesanía e obradoiros infantís.

A banda Airiños da Freba, un sexteto que mestura a gaita con outros instrumentos de vento actualizando os repertorios das orquestras que amenizaban as festas populares, actuarán as 18.30 horas, contribuíndo á dinamización da iniciativa do tecido empresarial taboadense.