Monforte acolle este sábado a conmemoración “Cen anos soñando o destino”, para lembrar o centenario da IV Asemblea Nazonalista das Irmandades da Fala, que se celebrou entre o 18 e o 19 de febreiro de 1922 en Monforte.

A xornada inclúe relatorios históricos sobre o movementos das Irmandades, o acontecido na IV Asemblea e a centralidade proletaria do lugar de Lemos na Galiza de comezos de século. Desenvolverase tamén un programa cultural cun obradoiro de creatividade e lectura pública de textos.

O punto e final á xornada farase cun concerto na casa da cultura de Monforte a partir das 10.00 a cargo de Uxía e Sergio Tannus. O concerto finánciao a área de Cultura da Deputación de Lugo que colabora así co Consello da Cultura Galega na organización do acto.