InicioCulturaDe Vacas actuará en Taboada dentro do ciclo 'Con voz de muller...

De Vacas actuará en Taboada dentro do ciclo ‘Con voz de muller 8M’

Será este sábado día 5 ás 19:00 h. na Praza Riazón. A actuación forma parte dun ciclo impulsado pola Deputación de Lugo.

Publicado o

POR
Redacción
- Advertisement -

Esta actuación, ao igual que outras que teñen lugar estes días —Uxía na Fonsagrada ou Habelas Hainas en Barreiros–  forma parte desta nova iniciativa organizada pola institución provincial. O obxectivo é achegar aos concellos da provincia música en feminino con motivo do Día Internacional da Muller, que se conmemora cada 8 de marzo.

A Deputada de Muller e Igualdade, María Loureiro García, animou na presentación desta iniciativa a acudir a estes concertos que son gratuítos e que teñen o obxectivo de “sensibilizar, romper estereotipos e favorecer a visibilización e o empoderamento das mulleres a través da música de mulleres con voz propia que cantan e expresan os nosos dereitos a través da música, como o fan os catro grupos que eliximos para o cartel”.

DE VACAS

Formación galega composta polas voces de Faia Díaz, Inés Salvado e Paula Romero que presentan un espectáculo fresco, reivindicativo, con harmonías cálidas e guitarra, unidas ao son do matraquillo cando é preciso, luces e coidada posta en escena.

Cun estilo moi orixinal e peculiar, De Vacas ‘reinterpretan’ a artistas tan dispares en estilo e tempo como Marta Sánchez, Rosalía de Castro ou Enrique Igrexas, e profundizan nas temáticas de corte social.

Segundo explican elas, tamén profundizan nas temáticas de corte social como é o caso da canción Esmegma ou a composición propia Tetas ao ar María del Mar. As grandes referencias da adolescencia latexan ao fondo, consideran que son unha fonte inesgotable de creación que queren seguir explorando.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...