A  Asociación Sociocultural da Comarca de Quiroga convida ás quiroguesas e aos quirogueses a un espectáculo de monicreques moi interesante recomendado para público familiar: “A viaxe de Rosalía”.

Será este sábado 26 de marzo ás 20:00 h. no salón de actos da Casa da Cultura e a representación correrá a cargo da actriz e monicrequeira é Larraitz Urruzola Tolosa.

SINOPSE

A protagonista desta viaxe é Rosalía de Castro, que ven coa súa madriña Francisca. Xuntas contarán pasaxes da vida da artista e algúns dos seus poemas, da man da actriz e monicrequeira Larraitz Urruzola. 

Utilízanse monicreques de mesa, onde o traballo de manipulación faise á vista, creando diálogo entre actriz-monicreque-público-actriz.

Nesta proposta hai ampla versatilidade á hora de crear personaxes e dinámicas de interrelación co espectador, aplicándose as ferramentas da narración oral tradicionais, xógase a crear atmosferas poéticas, situacións que xorden da transformación dos obxectos e espazos, contribuíndo a iniciarse no mundo da poesía, dos contos e do teatro a través da inventiva, da creación efémera e espontánea.

O espectáculo está patrocinado pola Área de Cultura da Vicepresidencia da Deputación de Lugo.