A Vicepresidencia da Deputación de Lugo colabora na organización do festival, que “se converteu nun referente na programación de música independente no Estado apostando por bandas que logo despuntaron e demostrando que desde vilas pequenas coma Sarria tamén se pode estar na vangarda musical e cultural”, sinalou Efrén Castro no acto de presentación.
O deputado tamén valorou “a capacidade da organización do festival para involucrar a veciñanza na celebración do evento, poñendo en valor e dinamizando espazos como A Unión con propostas tan singulares como esa sesión vermú na que disfrutar da música en directo nun ambiente moi especial”, sinalou Efrén Castro no acto de presentación.
A programación e o cartel do Esmorga Fest é a seguinte:
- Venres 1 de abril. Litmar.
La Paloma – Dharmacide – Pinpilinpussies – Boneflower – Le Temps du Loup – Rayotaser – Juanita Dinamita – John Axiom
Apertura de portas ás 20:00 horas. - Sábado 2 de abril. La Unión
Shego – Marta Knight – Vulk – El Chico lópez – Salífero (opus 4) – Don Gonzalo. A partir das 13.00 horas
Sábado 2 de abril. Litmar.
El Columpio Asesino – Le Boom – Cala Vento – The Haunted Youth – Apartamentos Acapulco – La élite – Pálida
Apertura de portas ás 20.00 horas.
As entradas poden adquirirse na web esmorgafest.com e en dous locais da vila, Adarve e Xarope, a 35 euros, ou na taquilla, a 40 euros, os días do festival.