HomeCultura"A rosa do viño. Cultura do viño en Galicia" preséntase este venres...

“A rosa do viño. Cultura do viño en Galicia” preséntase este venres en Sober

O Concello de Sober programa organiza este venres, 1 de abril, unha conferencia-cata audiovisual a cargo de Xavier Castro con motivo do Mes do Amandi. Presentarase a obra "A rosa do viño. Cultura do viño en Galicia» ás 19:00 no centro sociocultural de Sober.

Publicado o

POR
Redacción
- Advertisement -

“A rosa do viño», título desta obra, inspírase no procedemento popular empregado para apreciar a calidade do viño, reparando nomeadamente na súa densidade, no corpo que posuía. Tíñase en mellor estima o tinto de acendrado espesor (“que críe sangue”), que era o que deixaba uns trazos vermellos que, ó descender polas paredes da cunca, formaban os pétalos dunha flor, a rosa do viño. 

A presente obra constitúe un achegamento á historia cultural do viño en Galicia, e artéllase como un traballo de investigación histórica que emprega fontes primarias, en boa parte inéditas, e recorre tamén a bibliografía primordial. Pretende, deste xeito, aterse ao rigor histórico pero procura asemade relatar unha faceta relevante da experiencia colectiva dos galegos dun modo que sexa interesante á par que resulte tamén de grata lectura. 

O libro detense na consideración do tradicional gusto popular e no protocolo da bebida fronte á cata experta. Constátase a realidade dun ethos étnico, patente no modo enxebre de beber os galegos, e examínanse tanto as boas maneiras como os usos populares, analizando o tránsito da bebida comunitaria (beber por quenda empregando un mesmo recipiente) á unha concepción individualista no xeito de beber. Alúdese asemade aos recipientes (pichel,  xerro, cunca, vaso e copa) e as expresións características que se adoitaban empregar nesta práctica social. 

A rosa do viño. Cultura do viño en Galicia», obtivo o Premio Deza de investigación e tamén o galardón: Gourmand World Cookbook Awards 2010, na categoría Best Wine History Book.

ÚLTIMAS

En xullo comezan a funcionar en Trascastro apartamentos turísticos rurais

O Concello do Incio contará o vindeiro mes de xullo cun novo proxecto turístico...

Foliada Guímara este venres en Fornelas

As Foliadas Guímaras son unha iniciativa do Concello da Pobra do Brollón co obxectivo...

Oferta pública de ciclos para o novo curso no IES A Pinguela

O IES A Pinguela informa estas semanas da oferta de ciclos para o vindeiro...

Ciberseguridade e delitos informáticos, temas centrais das Xornadas Xurídicas de Sarria

Este mércores 12 de xuño celebrábase a inauguración das XVII Xornadas Xurídicas Román García...