A proxección é a segunda das oito programadas dentro do Ciclo Mestre Mateo, que pretende levar o máis destacado do audiovisual galego actual ás vilas galegas. O programa é impulsado pola Academia Galega do Audiovisual co apoio da vicepresidencia da Deputación de Lugo e a colaboración do Concello da Pobra do Brollón.

O filme “A Virxe Roxa” xira arredor dun suceso que conmocionou a España dos anos 30, ás portas da Guerra Civil, cando Aurora RodrÍguez Carballeira acaba coa vida da súa propia filla de 18 anos. A moza era Hildegart Rodríguez, unha nena prodixio da política, unha precoz intelectual e pioneira do feminismo en España.

A proxección será este xoves 21 ás 20:15 na Casa da Cultura ‘Olga Novo’ da Pobra do Brollón. O acceso é de balde