“As Tardiñas de Santa Mariña, un descanso no Camiño” é un ciclo de concertos de música local que se desenvolven durante os meses de xullo e agosto de 2022 na Praza de Juan María López (Igrexa de Santa Mariña). Estas actuacións están pensadas no goce dos peregrinos, visitantes e veciñanza de Sarria.
O venres día 8 de xullo actuou o colectivo Sarricanta e o pasado domingo, 10 de xullo, actuaron Lorena do Val & Gonzalo Herrero. Os dous concertos foron ás 19:30 h.
MATRICULACIÓN NA ESCOLA DE MÚSICA MUNICIPAL
O pasado 8 de xullo rematou o prazo para que se matriculara o alumnado con reserva de praza –matrícula de continuidade– mentres que para o resto do alumnado o prazo será o seguinte.
Alumnado matriculados durante todo o curso anterior á presente convocatoria en música e movemento que solicitan instrumento por primeira vez (matrícula preferente): do 11 ao 15 de xullo, ambos inclusive. Será requisito imprescindible que o ano de nacemento do alumno sexa 2015 ou anterior.
Alumnos de novo ingreso (nova matrícula): do 18 de ao 22 de xullo, ambos inclusive.
As solicitudes das persoas interesadas presentaranse de forma presencial nas instalacións da Escola de Música de Sarria, sita na Rúa Pedro Saco en horario de 10:00 a 14:00 horas.
As bases completas están publicadas na páxina web do Concello de Sarria.
