HomeCulturaAle actúa en Salcedo este venres e abre a Semana Cultural

Ale actúa en Salcedo este venres e abre a Semana Cultural

Co concerto de Ale arranca a Semana Cultural de Salcedo, con múltiples actividades en torno ao proxecto de arqueoloxía de aldea, Penas do Castelo, en colaboración coa Asociación Veciñal de Salcedo e o Concello da Pobra do Brollón.

Publicado o

POR
Redacción
- Advertisement -

Este venres, 19 de agosto, Ale volve a Salcedo, a súa aldea natal, para ofrecer un concerto cheo de emocións e amizade. Será a partir das 20:30 na terraza de A Salanova. O concerto enmárcase no ciclo do Concello da Pobra do Brollón, ‘Cos Pés na Terraza’.

Logo de estar xirando por lugares míticos como o Náutico de San Vicente, desta volta Ale vén sen banda e acompañado no escenario de amigos e familiares. Interpretará cancións da súa vida e do propio repertorio salcedao das festas e das cantinas. Tamén algunhas do repertorio do seu pai, o músico Eliseo González.

Tras o concerto, a festa seguirá con pinchada. A entrada é libre e de balde. A Salanova ofrecerá racións para quen queira cear no evento.

Semana Cultural en Salcedo

O domingo 21 haberá un obradoiro infantil no Local Multiusos de Salcedo ás 12:30 no que os participantes traballarán en torno a unha pedra misteriosa hoxe desaparecida. Trátase dunha petróglifo gravado con figuras humanas, xinetes e armas cunha azarosa historia da que se conservan unicamente fotografías. O obradoiro consistirá en facer unha reprodución dos motivos da pedra para a súa instalación nalgún lugar público.

A partir do martes 23 recupérase a actividade con charlas. Ese día, o arqueólogo Tito Concheiro falará sobre “castros tolos” ás 20:30 na Salanova. Analizará con veciños e veciñas castros peculiares cos que se ten atopado ao longo da súa dilatada carreira, en relación á extravagancia do xacemento de Penas do Castelo.

O mércores ás 20:30 na Cantina de Julia será Benito Vilas, director das escavacións en Penas do Castelo, quen fale do propio xacemento analizando as datacións presentadas a finais do ano pasado que indicaban un xacemento excepcionalmente antigo. Previamente farase unha breve exposición sobre as orixes de Salcedo a través da documentación medieval. Esa mesma noite ás 23:00 haberá unha andaina ata o xacemento da Roda do Castro onde se fará unha observación do ceo nocturno a cargo tamén de Benito Vilas.

O xoves será a última actividade, tamén ás 20:30, neste caso no Local Multiusos (coñecido localmente como “a Nave”). Alí veciños e veciñas farán lecturas de textos de A Voz de Salcedo, unha antiga revista editada pola Asociación Veciñal e que se quere reivindicar dende o presente. No mesmo espazo a poeta Noa Moreira fará un recital de poemas inéditos.

Está previsto que continúen as actividades culturais e divulgativas ao longo do mes de setembro, coincidindo coa segunda escavación de Penas do Castelo. O ciclo ‘Cos Pés na Terraza’, pola súa banda, continuará o venres 2 de setembro con concerto de Hainas no restaurante O Fogón de Cereixa.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....