HomeCulturaA mostra "A Casa de Galicia" na Praza da Vila de Sarria

A mostra “A Casa de Galicia” na Praza da Vila de Sarria

A mostra “A Casa de Galicia. 50 anos da Casa de Rosalía” continúa en Sarria a itinerancia programada pola Vicepresidencia da Deputación de Lugo nas distintas comarcas para celebrar o medio século da apertura como museo da Casa da Matanza de Padrón.

Publicado o

POR
Redacción
- Advertisement -

A  exposición, promovida pola Fundación Rosalía de Castro, recolle a historia da adquisición, restauración e musealización da vivenda na que a escritora pasou os últimos anos da súa vida. A Casa-Museo inaugurouse como tal en xullo de 1971, tras case tres décadas de traballo impulsado por personalidades do galeguismo, que tivo o apoio de milleiros de persoas a título individual e tamén de institucións do país e da emigración.

A mostra, cun formato itinerante que reproduce distintas estancias dunha casa, pode verse na Praza da Vila ata o vindeiro 5 de setembro.

A itinerancia da exposición enmárcase na programación que a Vicepresidencia da Deputación de Lugo desenvolve para divulgar e poñer en valor a obra de Rosalía de Castro, que inclúe representacións teatrais e intervencións artísticas en diferentes localidades da man de asociacións e centros educativos.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...