O 12 de novembro haberá Cantos de Taberna en Chantada!

O prazo de inscrición estará aberto ata o 5 de novembro e xa hai bastantes grupos anotados.

cantos de taberna

Este ano Chantada non celebrou o Castañazo Rock, pero parte das participantes nos Cantos de Taberna que se celebraban coincidindo co festival deciden manter esta actividade, “decidimos que, se ben o futuro do festival segue a estar na mans da Asociación do Castañazo, os cantos podían e debían retomarse, non só para manter prendida a chama dun festival que agardamos volte con forza o ano que ven como unha das datas máis sinaladas e devecidas na nosa vila, mais tamén para dar continuidade a un encontro da veciñanza coa música tradicional que O Castañazo prendeu e que nunca deberamos deixar morrer.”

O percorrido será pola Praza da Paz e Tras dos Fornos ata chegar ao cadrante das rúas Xoán XXIII (treito da Praza de Abastos), Santa Ana, Leonardo Rodríguez e Luciano Travadelo. Rematarase cunha foliada e un pequeno magosto e uns petiscos para os grupos na rúa, grazas á colaboración do Concello de Chantada.

“A música e a tradición seguirás vivas mentres as toquemos, as cantemos e as bailemos. Non faltedes!”, animan as promotoras.

DEIXAR UN COMENTARIO

Please enter your comment!
Please enter your name here