“Morte accidental dun anarquista”, o día 10 no Multisos de Monforte

Dentro do Ciclo da Rede de Teatros e Auditorios da Xunta, este xoves 10 de novembro, ás 20:15 no Edificio Multiusos terá lugar a posta en escena da obra para adultos Morte accidental dun anarquista, da compañía Talía Teatro.

Morte accidental dun anarquista

“Morte accidental dun anarquista” é unha obra escrita por Darío Fo, dirixida por Cándido Pazó. No elenco artístico con Toño Casais, Diego Rey, Marta Ríos, Dani Trillo, Artur Trillo, Xurxo Barcala, Rubén Prieto. A obra está dirixida ao público adulto, cun prezo de 5 euros a entrada xeral e de 3 euros para estudantes, desempregados e xubilados.

Podemos considerar que Darío Fo é xa un clásico teatral dos últimos tempos. Nos clásicos, as portas están sempre abertas a novas visitas: dos creadores e do público. Cincuenta anos despois de ser escrito, este sainete político, esta disparatada pero reflexiva comedia, segue aportando sons que, dun xeito máis ou menos directo ou metafórico, reverberan aínda nos muros da actualidade..

A seguinte obra do ciclo de teatro será 1888. A señorita Xulia da compañía Estudo Momento que terá lugar o xoves, 24 de novembro no Edificio Multiusos ás 20:15 h, sendo o prezo da entrada xeral de 5 euros e de 3 euros para estudantes, desempregados e xubilados.

DEIXAR UN COMENTARIO

Please enter your comment!
Please enter your name here