O Concurso de Proxectos Empresariais Semente Ribeira Sacra celebra 12 anos de traxectoria impulsando iniciativas de emprendemento. O certame busca proxectos innovadores para desenvolver no medio rural e poñer en valor os seus recursos, tendo preferencia osvinculados co territorio Ribeira Sacra; pero o concurso sempre estivo aberto a calquera persoa física de calquera lugar do mundo que teña unha idea empresarial destas características.
Este 7 de novembro desde as 10:00h preséntanse ante o xurado, no Parador de Turismo de Monforte, os 10 proxectos que chegaron á final:
- AZKA SAKRA, DESHIDRATACIÓN DE FROITAS: proxecto de transformación agroalimentaria para a deshidratación artesanal de froitas e verduras de colleita propia e de produtores locais.
- ALAMBIQUEIROS DA SACRA TERRA: Destilería profesional na Ribeira Sacra para transformar o bagazo das adegas locais en aguardente artesanal e certificada.
- REFORESTATRON: Un robot terrestre autónomo deseñado para a recuperación específica dos solos queimados na Ribeira Sacra, despois dos incendios padecidos no 2025.
- UVA ENTEIRA. TRANSFORMACIÓN BAGAZO: Transformación escalable do bagazo da uva da Ribeira Sacra en produtos premium de alto valor engadido.
- RURALTECH LAB 360+ Ribeira Sacra: Conectar tecnoloxía propia xa validada cos recursos da Ribeira Sacra, un centro físico de dixitalización para resolver necesidades de viñedo/adega, control de agua municipal e monitorización agroganadeira.
- MARCAL GALICIA: carbonato cálcico bioxénico circular da cuncha de mexillón como insumo industrial intermedio. Transformar a cuncha de mexillón nun carbonato cálcico bioxénico para empregar en procesos agrarios, gandeiros, construtivos ou industriais.
- CNTEK: Sistema para detectar a presenza de micro e nanoplásticos na auga, baseado en electrodos serigrafiados, que permiten fabricar sensores de forma económica e masiva, utilizando nanotubos de carbono, coñecidos pola súa altísima sensibilidade eléctrica.
- ADEGACONNECT: Unha plataforma cloud deseñada para pequenas adegas da Ribeira Sacra que necesitan dixitalizar a súa trazabilidade, permitindo controlar o ciclo completo “do viñedo á botella”.
- BIOCABA: Unha cooperativa de traballo asociado dedicada a desenvolver e comercializar un recubrimento natural antifúnxico para froita fresca. Coa biomímese a pel da cabaza convértese en recubrimento biodegradable que retarda a aparición de fungos na froita.
- CRÚ. TRANSFORMACIÓN DE LEITE PROPIO EN PRODUCIÓN ARTESANAL: A proposta busca pechar o ciclo produtivo mediante a transformación do leite en queixos, iogur colado e manteiga artesanais, creando unha marca para conectar co consumidor.
O fallo do xurado darase a coñecer na mesma xornada do 7 de novembro, despois da cea e gala de entrega de premios desta XII edición do Concurso de Proxectos Empresariais Semente Ribeira Sacra. Contarase coa asistencia da directora xeral de AGADER, Mª Paz Rodríguez, a directora territorial de Emprego, Carmen José López, deputados autonómicos e provinciais, representantes das universidades e dos concellos e empresas que colaboran co Concurso.
Así os premios desta edición son os seguintes:
- 1º Premio – 10.000 €
- 2º Premio – 6.000 €
- 3º Premio – 4.000 €
- Plan de Formación para os finalistas que manifestaron o seu interese en participar deste programa de asesoramento que se desenvolverá no primeiro semestre do 2026.
- Executive MBA de Ef Business School na Coruña. Formación para a persoa que inscrita co proxecto que quede de 1º. En caso de que a persoa inscrita renuncie a este premio, pasará ao segundo clasificado e así sucesivamente ata chegar á persoa interesada en participar de entre os 10 finalistas.
A XII edición do Concurso de Proxectos Semente Ribeira Sacra conta co patrocinio das seguintes institucións: Xunta de Galicia, Consellería do Medio Rural, AGADER, Vicepresidencia Deputación Provincial de Lugo (área Rural), Deputación Provincial de Ourense, Concello de Sober, Concello A Pobra do Brollón, Concello de Pantón, Concello do Saviñao, Concello de Bóveda.
As empresas patrocinadoras son: Barbosa e Hijos, CT Galega, Hijos de Rivera S.A., Gadisa, Inveravante, Dimaga, Daveiga Produción Responsable, Sicyme, Dalia Sistemas e Notaría de Sarria.
Contando coa colaboración de: Universidade de Santiago, Universidade da Coruña, Universidade de Vigo, Escuela de Organización Industrial, Área de Valorización, Transferencia e Emprendemento da USC, Fundación Venancio Salcines e o Parador de Turismo de Monforte.
