‘A maxia das Pedras’: exposición na Librería Pelayo de Monforte

Unha mostra de 'Petropictos' do artista Xesús A, Parada poderanse ver dende este 18 de novembro e ata o 8 de xaneiro de 2023.

Librería Pelayo de Monforte / XdL

A Librería Pelayo de Monforte segue a apoiar ao sector cultural, nesta ocasión acollendo unha exposición de petropictos de pequenas dimensións do artista plástico Xesús A. Parada.

A inauguración desta mostra de pintura en pedras é este venres 18 ás 17:30 h. e poderase ver ata o 8 de xaneiro de 2023.

Os petropictos son pedras pintadas sen alterar a súa forma orixinal, conservando ese carácter máxico que os antigos castrexos lles atribuían pois “gardan algo do espírito divino que as creou”. Son unhas 30 pezas realizadas en pedras pizarras, calcarias, xistos e algunha de río.

Realizadas con pintura acrílica e metálica, nelas a paisaxe do Courel está presente e tamén hai imaxes oníricas.

DEIXAR UN COMENTARIO

Please enter your comment!
Please enter your name here