‘O crime de Lady Sibille’, teatro afeccionado en Sarria

O Circuíto de Teatro Afeccionado da Vicepresidencia da Deputación de Lugo trae a Sarria a montaxe "O crime de Lady Sibille", unha peza adaptada dunha obra de Óscar Wilde.

Teatreiras arquivo / Vicepresidencia Deputación

Este sábado 3 de decembro ás 19:30 h., e dentro do Circuíto de Teatro Afeccionado da Vicepresidencia da Deputación de Lugo, chega á Casa da Cultura de Sarria a compañía monfortina TEATREIRAS.

A obra que interpretarán é “O crime de Lady Sibille”, unha adaptación da monfortina Paqui Abeledo baseada no libro de Óscar Wilde ‘Os crimes de Lord Arthur’.

SINOPSE

Nunha das festas que a extravagante Gladis Winder ofrece na súa casa, a vida de Lady Sibille cambia radicalmente cando un quiromántico que tamén é convidado, léndolle a man revélalle que cometerá un asasinato fatal. Ela, crendo todo canto lle dixo o falabarato, planea o asasinato, que terá que ser antes da voda por medo a ter que matar ao noivo.

DEIXAR UN COMENTARIO

Please enter your comment!
Please enter your name here