“Quererla es crearla” reflicte a crenza, fundamentada por multitude de referencias científicas, de que unha educación deseñada para potenciar as capacidades de todo o alumnado á vez que constrúe unha sociedade sen exclusións non é unha utopía: debe ser unha realidade que construamos entre todas, e que o primeiro paso para iso é a vontade de que exista: só o desexo pode ser o inicio da realidade.

O documental “Quererla es crearla” é unha película dirixida por Cecilia Barriga que recolle con fidelidade esta reivindicación colectiva e reflicte o enormemente revolucionario que resulta vivir as nosas vidas ao ritmo e co coidado que nos marcan as necesidades das demais persoas e o inmenso potencial transformador de estar xuntas. Cecilia Barriga (Concepción, Chile, 1957) é unha directora, guionista e produtora audiovisual hispana-chilena que utiliza diversos formatos e xéneros: videoarte experimental, performance, documental e cinema de ficción.

A cita no Círculo Saviñao será o 14 de xaneiro ás 19.00h. Xa o día 16 tamén ás 19.00h. Xabier Quiroga presenta o libro “O baile dos estorniños”. Para este acto contarase tamén con Fran Alonso, Director de Edicións Xerais.