Do acto participaron ademais do autor, o escritor e director de Edicións Xerais Fran Alonso, e o presidente do Círculo Saviñao, Enrique Sampil. Participaron tamén multitude de socios que quixeron saudar e arroupar a Xabier Quiroga, que anunciou a publicación dun novo libro para abril.

Xabier Quiroga naceu no Saviñao en 1961. Licenciado en Filoloxía galega, foi profesor de lingua e literatura galega. A súa primeira novela, Atuado na Braña, foi finalista do Premio Xerais no 20001, Finalista Premio Novela Europea Casino de Santiago, 2002 e Premio Losada Diéguez no 2003. É autor de Era por setembro (2004), Se buscabas un deus (2006), O Cabo do mundo (2009), Premio da Crítica de narrativa galega no 2009, Zapatillas rotas (2014). Premio da Crítica de narrativa galega no 2014, Izan o da saca (2015). Premio San Clemente de narrativa galega no 2017 e O baile dos estorniños (2021).