O Trece Roeis Fest retorna a Pantón os días 18 e 19 de agosto con novas apostas musicais. No primeiro avance amósannos 4 dos grupos que forman parte do cartel de 2023 e que son a banda andaluza de punk rock Reincidentes, con máis de 30 anos de historia e grande contido social e político nas súas letras; Catuxa Salom, que mestura a música en galego cos ritmos latinos, froito da súa orixe galego-arxentina; tamén dende o panorama galego volven, un ano máis, os Festicultores Troupe, que cultivarán a festa a base de música, baile e moito humor a pé de rúa; e, por último, unha nova aposta polo rock dunha banda con base galega, Tregua.

A este primeiro avance, seguiranlle outros con máis grupos de referencia e actividades vencelladas coa tradición, a gastronomía, as letras e outras formas de cultura, un símbolo de indentidade do Trece Roeis Fest.

A venta de entradas está habilitada a través da súa páxina web www.treceroeisfest.com e, coma outros anos, ofrécese acampada libre e de balde.