A partir das biografías de Catarina de Santiso –asasinada polo seu home, Vasco das Seixas, señor de San Paio de Narla–, María Paz Taboada —última fidalga de Tor, quen á súa morte doou ao patrimonio público o pazo e todo o seu patrimonio moble–  e de Constanza de Castro –que resistiu en Caldaloba o asedio dos Reis Católicos–, historiadoras abordarán diferentes cuestións relacionadas coa pegada documental e as fontes no estudo do papel das mulleres na Idade Media.

Persoal dos museos e representantes de colectivos culturais completarán a panorámica falando da necesidade de incorporar o legado feminino á recuperación e posta en valor do patrimonio.

As persoas interesadas en participar nas xornadas deben anotarse no enderezo concertacionsrmpl@gmail.com. A Rede Museística facilitará a asistencia poñendo a disposición dos asistentes un servizo de autobús desde Lugo.

PROGRAMA

Xoves, 2 de marzo

Recepción e benvida no Museo de Tor a cargo de Tareixa Antía Ferreiro Tallón, vicepresidenta da Deputación Provincial de Lugo, e Encarna Lago González, xerente da Rede Museística Provincial de Lugo.

Dolores López da Asociación Carballo Vivo: Experiencia dunha muller activista na conservación recuperación e posta en valor do patrimonio.

Alberte Ansede, presidente da Fundación e Casa-Museo Manuel María: “O papel da sociedade civil na recuperación do patrimonio: o caso de Caldaloba”.

Antón Meilán García, catedrático emérito da Universidade de Oviedo, autor do libro Dona Constanza de Castro toma a Fortaleza de Vilaxoán: “Dona Beatriz e Constanza de Castro, as fillas rebeldes de Pardo de Cela”.

Simón Vicente, auxiliar de sala da Rede Museística Provincial de Lugo: “Mulleres serpe, sereas e dragóns: os casos de Tor e Narla”.

Venres, 3 de marzo

Mónica Fernández Armesto, doutora, profesora do Departamento de Historia da USC: “Galegas litigantes perante a xustiza senhorial no Antigo Réxime”.

Raquel Iglesias Estepa, doutora en Historia: “A conflitividade feminina nas fontes xudiciais do Antigo Rexime”.

Tamara González López, doutora, profesora do Departamento de Historia da UDC: “Herdanzas, dotes e mandas: a loita das fidalgas polo patrimonio familiar (ss. XVIII-XIX)”.

Ana Sixto Barcia, doutora, profesora do Departamento de Historia da USC:  “Condenadas ao esquecemento. Os conflitos en torno ás vocacións forzadas na Galicia de época moderna”.

Sábado, 4 de marzo: Soterradas en liña

Mesa debate sobre a as desigualdes de clase e de ciclos de vida.

Estas xornadas están impulsadas pola Área de Cultura da Vicepresidencia da Deputación de Lugo e a Rede Museística Provincial de Lugo.