Esta é unha nova iniciativa que se pon en marcha dende o Concello para difundir e poñer en valor a riqueza cultural sefardí. Este ano que a capitalidade da Rede de Xuderías recae en Monforte de Lemos, refórzanse aínda máis as accións e actividades que axuden a potenciar o legado xudeo de Monforte.

Conscientes da labor formativa multidisciplinar que se fai nos centros educativos e coñecedores de que as actividades grupais e fora do entorno propiamente lectivo, constitúen unha oportunidade para a adquisición de competencias imprescindibles para os alumnos, convidouse aos colexios a gozar desta iniciativa como unha fórmula de divulgación da festa que poida achegar aos rapaces ao coñecemento da herdanza que deixaron nas cidades e pobos que habitaron e ó mesmo tempo, fomentar entre eles valores de respecto hacia todas as culturas e tradicións.

Os colexios que participaron da plantación do olivo foron Os Escolapios, Torre de Lemos e Ferroviario. No Parque dos Condes agora lucirá para sempre unha homenaxe á natureza como agradecemento a todo o que nos dá.