A UNED de Monforte funciona desde o 2005, inicialmente como centro asociado a Ourense e desde o 2008, asociado a Lugo. Desde o equipo de goberno de Monforte aseguran que este servizo é moi importante en canto á formación que ofrece aos cidadáns.

Para o mantemento do servizo, a UNED recibe 55.000 do concello de Monforte, ademais de correr cos gastos correntes e terlle cedido un local na casa da cultura.

Dentro dos cursos de extensión universitaria ofértase: prevención do odio e a xenofobia, estereotipos de xénero, propiedade intelectual e educación sobre capacidades diferentes.

Desde a UNED lémbrase que contan con toda a oferta da UNED de Lugo, así hai xente con interese en materias tan distintas como historia, antropoloxía, criminoloxía, dereito,… de todas as carreiras ofertadas poden solicitarse titorías pesenciais.