A Libraría da Proencia organiza este sábado, 15 de abril, en Santa Cruz de Viana (Chantada) un coloquio cos autores dunha biografía de Celso Emilio Ferreiro e unha análise da plástica de Castelao, obras de recente publicación.

Trátase de Luís Gonçales Blasco, “Foz”, e o seu libro Celso Emilio Ferreiro, nacionalista galego, editado por Xerais este ano 2023, e de Xesús Andrés López Piñeiro, co seu libro Castelao, plástica e pensamento, 1903-1916, editado por Galaxia en 2022.

O formato será de mesa redonda e coloquio co público asistente e a entrada é libre. Pódese preguntar polos detalles e localización do acto, así como reservar exemplares dos libros en pedidos@proencialibros.com