A cita este venres, 28 de abril, no salón de actos do Ateneo Casino ás 20:00 h. Participarán Marcos Maceira, presidente da MESA, e Xosé Manuel Fernández, responsable da asociación na Zona de Lemos. A continuación abrirase un coloquio no que intervirán todas e todos os presentes que queiran comentar, achegar ou propoñer difrerentes cuestións arredor da nosa lingua.
Baixo o título “Conversas arredor do galego” estanse creando foros para a divulgación do traballo que está a facer a MESA por todo o país como asociación, e tamén para crear un punto de encontro para o debate con todas aquelas persoas que simpaticen coa defensa dos dereitos lingüísticos do galego.
Aproveitando esta sesión farase tamén un avance dos actos para o 17 de maio en Monforte, Día das Letras Galegas.
