O Goberno galego apoia esta cita, que segundo a organización presenta o mellor cartel de todas as edicións. Así, hai previstas 19 actuacións que comezarán o venres coa presenza de Víbora, First Breath After Coma, Toundra, La Plata, VVV [Trippin’ you], Pálida e John Axiom.
O sábado continuará a programación con DJ Don Gonzalo, Charnego, Ghouljaboy, o artista local Castro, Grande Amore, The Parrots, Last Days of April, bdrmm, Los Punsetes, Yawners, Lagoon e Cora Novoa.
No Esmorga de día, no espazo A Unión (entrada gratuíta), contarase con zona para os mini esmorgueiros, desde as 13:00 ata as 20:00, estará aberta a zona infantil, onde haberá globoflexia, pintacaras, xogos… A partir das 16:30, comezarán os talleres e xogos musicais para gozar do EsmorgaFest en familia.
Na presentación destacouse a aposta dos organizadores por aglutinar talento internacional, nacional e galego para seguir posicionando o Esmorga Fest “como un dos mellores festivais de música alternativa, que acolle a público de toda España”.
