O evento comeza ás 11:30, no punto de encontro que será no aparcamento de Finca Robles, Veiga. Antes do concerto, haberá unha visita a cargo de Noelia Besteiro e José Manuel Leiras para coñecer Finca Robles, casa grande que historicamente tivo unha grande influencia na contorna e que na actualidade depende do Centro de Investigacións Agrarias de Magebondo.

Despois, os asistentes poderán coñecer historias e recunchos da parroquia de Veiga nun pequeno paseo da man dos veciños Alejandro e Hortensia.

Tras as visitas, ás 13:00 horas aproximadamente, comezará na igrexa románica de Veiga o concerto de FAIA, artista galega que experimenta con melodías e ritmos tradicionais dende unha perspectiva feminista e única.

Ao rematar o concerto, o evento continuará no exterior da igrexa cunha sesión vermú con petiscos e pinchada a cargo de Bigote Mix.  

As prazas son limitadas, polo que é preciso reservar no teléfono 650624828, preferiblemente por WhatsApp. Esta actividade está financiada a través da subvención Territorio Cultura, xestionada pola Xunta de Galicia a través da Agadic, ao amparo do Mecanismo Europeo de Recuperación e Resiliencia dos Fondos Next Generation.