HomeCulturaComeza o 'Festival dos Eidos'

Comeza o ‘Festival dos Eidos’

Trátase da oitava edición deste evento que se desenvolve ata o domingo 27 de agosto na aldea de Parada, en Folgoso do Courel. O festival volve apostar pola cultura como motor de dinamización do rural a través dunha oferta multidisciplinar coa poesía como fío condutor.

Publicado o

POR
Redacción
- Advertisement -

O venres 25 de agosto comezou o ‘Festival dos Eidos’ en Parada do Courel coa presenza do director da Axencia Galega das Industrias Culturais, Jacobo Sutil, na xornada inaugural.

Para Sutil, o proxecto presentado pola Fundación Uxío Novoneyra encaixa á perfección cos valores que impulsa a Xunta a través de Territorio Cultura non só no sentido de ampliar cuantitativa e cualitativamente a oferta cultural no rural, senón tamén de impulsar a cultura como motor de revitalización reforzando as capacidades do sector para acadar un tecido sólido máis alá dos grandes núcleos urbanos.

O responsable do AGADIC aproveitou tamén para dar conta das diferentes accións subvencionadas pola Consellería de Cultura, Educación, FP e Universidades a través do programa Territorio Cultura para ampliar e descentralizar a oferta cultural máis alá dos núcleos urbanos.

Neste senso detallou que a proposta do Festival dos Eidos foi unha das 15 beneficiarias da segunda convocatoria destas axudas, xestionadas ao abeiro do Mecanismo Europeo de Recuperación e Resiliencia dos fondos Next Generation EU.

Cartel nun dos espazos en Parada, Folgoso do Courel. Foto: Prensa Xunta de Galicia.

PROGRAMACIÓN

Nesta primeira xornada, ademais dunha exposición e sesión poética, houbo unha homenaxe a Carlos Oroza polo seu centenario e un fin de xornada marcado polo protagonismo da música no ‘Escenario Horta’. Aquí actuaron Xackal, Ataque Escampe e o DJ Jas Processor.

Para este sábado 26, ademais de sesións poéticas e musicais, están programadas actividades tan interesantes como unha ruta con avistamento de paxaros, unha lectura danzada e unha proxección cinematográfica.

O domingo 27, nunha xornada matinal que pon fin ao festival, hai unha Ruta pola paisaxe sonora de Uxío Novoneyra da Fundación Legar,  un recital nos Eidos de Chus Pato e unha sesión musical do DJ Jas Processor como remate ás 14:00 h.

O programa ao detalle na web do Festival dos Eidos.

ÚLTIMAS

Puido haber unha ALTRI en Quiroga en 1976?

Dende finais de 1975, pouco despois da morte do Perenne, víñanse sucedendo novas na...

Fin de semana de descenso urbano de Sarria

O club ciclista DH Galicia, que ven organizando o evento desde 2012, ultima os...

Concurso de Enganches Concello de Chantada, este 21 de xullo

Chantada acolle o 21 deste mes de xullo o Concurso de Enganches Concello de...

Comeza a mellora da estrada LU-P-4202 que une Pacios e Currelos

A Deputación de Lugo vén de iniciar en Paradela os traballos da estrada provincial...