HomeCultura"Inseguridade social" do grupo Teatreiras de Monforte, o 18 de novembro na...

“Inseguridade social” do grupo Teatreiras de Monforte, o 18 de novembro na casa da cultura

O salón de actos da Casa da Cultura Poeta Lois Pereiro acollerá o sábado, 18 de novembro, a partir das 8 da tarde unha representación teatral con entrada libre e gratuíta dirixida a todos os públicos.

Publicado o

POR
Redacción
- Advertisement -

O concello de Monforte continúa co seu ciclo de teatro correspondente ó segundo semestre deste ano 2023. A cita deste sábado será coa obra “Inseguridade social” por conta do grupo monfortino de teatro Teatreiras.

Este ano o elenco de Teatreiras inclúe actores e actrices de entre 9 e 80 anos; para algún e algunha é a súa primeira experiencia na escena teatral. Actuarán así Alexandra Georgiana, Sofía Rodríguez, Antía Quiroga, Sergio López, Pilar Cambón, Mª Clarisa Mira, Anxo González, Yasmina Iglesias, Noelia Pastor, Rita Aira, Dorinda Veiga, Iago Fernánde, Gloria Guerrero, Mª José Abeledo, Lucía Felpeto Santero e Andrea Abeledo. A montaxe, coordinación e dirección é de Francisca Abeledo.

“Inseguridade social” é unha versión libre da comedia “Inseguridad social” de Albert Villaró, que foi traducida ao galego e adaptaba pola coordinadora e directora do grupo Teatreiras para os participantes neste curso 2023, coa intención de que as persoas participantes poidan disfrutar e aprender lúdicamente da experiencia teatral.

A peza narra con moito humor as peripecias, equívocos e disparates que se van sucedendo na recepción dun hospital. Por alí pasarán personaxes moi diversos que acabarán revoltos no desenlace final: servizo de limpeza, enfermeiras e enfermeiros, doutoras e doutores, psiquiatra, administrativas, varias pacientes e impacientes e un visitador médico particularísimo. Todas e todos contarán a súa versión e o público verá que… todo é posible.

A seguinte obra programada polo equipo de goberno do concello de Monforte, dirixida para todos os públicos, será A autopista de Argalleiras-Chantada que terá lugar o sábado, 25 de novembro, na Casa da Cultura ás 20:00 h, sendo a entrada gratuíta. Esta peza está dentro do Circuíto de Teatro Afeccionado da Área de Cultura da Deputación de Lugo.

ÚLTIMAS

Ximena Prats e Noa Díaz reciben as medallas do COE ao mérito deportivo

As piragüistas do Club Quixós, Noa Díaz e Ximena Prats, xa teñen nas súas...

Vendaval do 19 ao 22 de novembro en Monforte, A Pobra do Brollón e Ferreira de Pantón

O calendario ábrese cunha proposta especial que vincula a creación audiovisual coa gastronomía, seguida...

Éxito total do ‘Saborea e canta o outono’ cunhas 250 persoas participantes

O evento dinamizador da hostalería do sur de Lugo "Saborea e Canta o Outono"...

Máis de 70 deportistas participaron no Cross Escolar do Circuíto das Lamas en Monforte

Na competición participaron nenos e nenas procedentes dos concellos de Monforte de Lemos, Quiroga,...