A biblioteca social do Museo Pazo de Tor ubícase na casa da soga, espazo que ven de ser recuperado recentemente. Para acceder á biblioteca as persoas interesadas terán que pedir cita no correo concertacionsrpm@gmail.com, verase tamén a posibilidade de facer préstamos.

En todo caso os exemplares acaban de chegar ao Pazo de Tor e queda aínda por diante un traballo de catalogación para posteriormente incorporalos aos fondos de consulta da biblioteca do museo. A deputada de Cultura, Iria Castro, sinalou a importancia de sumar estas doazóns a un arquivo público para “a consulta cidadá e dar así acceso a quen o precise”.

Entre os títulos que se suman á colección provincial encóntranse Cantares gallegos ou En las orillas del Sar, de Rosalía de Castro; El principito, de Antoine de Saint-Exupéry, Rimas y Leyendas, de Gustavo Adolfo Béquer, entre outros títulos como Platero y yo, Los 3 mosqueteros, El conde de Montecristo ou 20000 leguas de viaje submarino.

Ademais de poesía e narrativa tamén se suman exemplares para a ensinanza e a aprendizaxe a través do alfabeto Braille.

Iria Castro e Encarna Lago doazón braille / RMPL