InicioCultura380.000 euros para asociacións e colectivos culturais da provincia

380.000 euros para asociacións e colectivos culturais da provincia

Ese é o importe das axudas de concorrencia competitiva que concedeu a Vicepresidencia da Deputación de Lugo para este 2023. A resolución provisional foi publicada o pasado luns, 20 de novembro, no BOP.

Publicado o

POR
Redacción
- Advertisement -

Se estades nunha asociación cultural e pedistes subvencións á Área de Cultura da Vicepresidencia da Deputación de Lugo para a organización de actividades culturais e para investimentos en equipamento e mellora de locais sociais, consultade o BOP do pasado 20 de novembro. Aquí sae publicada a resolución que concede, de forma provisional –pódese presentar alegacións–, 342 axudas cun importe total de 380.000 euros.

Clases de música e baile tradicional, obradoiros de teatro, narración oral ou pintura, documentais, publicación en papel, certames, xornadas sobre historia ou patrimonio, celebracións populares e outras actividades de posta en valor das tradicións e do patrimonio inmaterial reciben financiamento a través desta convocatoria dirixida ao tecido asociativo e cultural de base.

O importe das achegas oscila entre os 500 e os 3.000 euros, en función dos criterios establecidos nas bases da convocatoria.

A deputada de Cultura Iria Castro lembrou que “a convocatoria contou este ano con case o dobre de orzamento que en anos anteriores, dobrando tamén o número de entidades que recibirán financiamento” e valorou “o traballo que desenvolven estas asociacións, na súa maioría colectivos pequenos que se sosteñen grazas á implicación desinteresada de persoas preocupadas pola cultura, pola lingua e o patrimonio e que compren un papel fundamental para garantir o acceso á cultura en todo o territorio”.

A responsable provincial destacou tamén que “estes colectivos son en moitas aldeas e parroquias rurais auténticos referentes culturais, programando actividades pero tamén impulsando estudos, investigacións e iniciativas de posta en valor do patrimonio local”.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...