O Deputado de Promoción Económica e Social, Pablo Rivera, participou o este xoves en Paradela no acto de entrega de premios do XXVIII Certame Literario Manuel Oreste Rodríguez López.

Pablo Rivera destacou durante o acto, celebrado no Centro Sociocultural que leva o nome dos galardóns, que este certame leva o nome da provincia de Lugo lonxe das súas fronteiras. O anterior, segundo o deputado provincial, “demostra a riqueza cultural e a capacidade dinamizadora do rural”.

O certame literario Manuel Oreste Rodríguez conta con dúas categorías de narrativa e poesía, cun premio de 1.000€ para cada modalidade.

PREMIADOS

O primeiro premio de poesía foi para “As palabras son cinzas por soprar”, de María Soledad García Riveiro, e o segundo para “Os trapecios terreais”, de Xoan X. Piñeiro Cochón. No apartado de narrativa, o primeiro premio foi para “Follas dun caderno de coiro marrón”, de Concepción Fernández López, e o segundo premio de narrativa para “Vamos con todo, Johnny” de Gabriel Estelrich Torrens.

Cómpre salientar tamén que houbo unha mención especial Camiño de Santiago para ‘Verba enxertada’ de Patricia Torrado Queiruga.