O evento ten como obxectivo concienciar sobre a situación en Palestina, instando á poboación a non silenciar o problema e promovendo a solidariedade ante o xenocidio. “Destácase a importancia de abordar o futuro de Palestina como un elemento crucial para os pobos en resistencia contra a axenda imperialista”, sinalan desde a organización.

Mar de lumes é unha organización galega de solidariedade internacionalista que rexeita a inxerencia estranxeira, ben sexa en forma de guerra ou a través doutros medios, menos visíbeis e espectaculares, mais igualmente daniños para os intereses dos pobos intervidos.

As diferentes concentracións que se levaron a cabo en Monforte en favor de Palestina estaban promovidas tamén por Mar de lumes.