InicioCulturaSober recupera o entroido tradicional de Bolmente despois de medio século desaparecido

Sober recupera o entroido tradicional de Bolmente despois de medio século desaparecido

O Concello de Sober gaba a recuperación do Entroido tradicional de Bolmente por parte dos seus veciños e veciñas. Este ano decidiron recuperar os carraboleiros e as señoritas, personaxes típicos do Entroido que había 50 anos que non saían desfilar.

Publicado o

POR
Redacción
- Advertisement -

Carraboleiros e señoritas formaban parte daquelas míticas comparsas que recorrían os lugares da parroquia de Bolmente, xuntamente cos maragatos, vellos e vellas, que remataban a velada nun lugar emblemático da parroquia chamado “o corno do boi”, bebendo Amandi, doces típicos, bailando e cantando.

O alcalde de Sober, Luis Fernández Guitián, destaca que o Entroido deste ano na localidade, “ademais de contar con máis participación ca nunca, recuperou uns célebres personaxes que se crían perdidos e que volven despois de 50 anos”. O entroido de Bolmente foi, hai anos, xunto co de Proendos, dos máis importantes da Comarca.

O rexedor agradécelles aos veciños e veciñas de Bolmente o seu traballo para recuperar estes personaxes propios do Entroido de Sober, que son As señoritas e carraboleiros de Bolmente. De feito, ademais de gañar o primeiro premio do concurso de disfraces que se celebrou na localidade o sábado, tamén conseguiron premio no de Monforte.

Entroido Bolmente 2024 / Concello de Sober

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...