HomeCultura4 centros participaron nas Xornadas Profesionais que desenvolveu o IES Daviña Rey

4 centros participaron nas Xornadas Profesionais que desenvolveu o IES Daviña Rey

O IES Daviña Rey celebrou este mércores as xornadas profesionais coa participación de tres empresas de Monforte, Sycime, Agrícola Pérez e Prodeme que falaron da súa experiencia desde o punto de vista do mundo empresarial sobre o mercado laboral para os titulados en FP nas familias profesionais de Elecrónica e Electricidade, Automoción e no eido dos coidados e a Dependencia.

Publicado o

POR
Redacción
- Advertisement -

As empresas monfortinas falaron ao alumnado de paixón polo traballo, de ganas de traballar, de vocación, de formación de calidade nestas titulacións, da gran demanda que teñen de titulados actualmente e de que non encontran xente formada para traballar. Manifestaron tamén a posición de vantaxe destas titulacións en FP fronte ás titulacións universitarias.

Para completar esa visión empresarial estivo tamén Alba Valdés en representación do Polo de Empredemento de Monforte para explicar a posibilidade de facer viable e tanxible unha idea empresarial para estes titulados como emprendedores, viaxe na que desde este Polo de emprendemento acompañan e asesoran para que poda ser posible.

Exalumnado dos Ciclos de Telecomunicacións, de Automoción e de Atención a Persoas en Situación de Dependencia, do centro anfitrión contou as vantaxes de estudiar FP e a rápida incorporación con estas titulacións ao mundo laboral coa posibilidade de seguir formándose no mundo da FP.

Pechou as xornadas Brais Moure recoñecido programador informático e coñecido youtuber de Monforte, que falou da súa traxectoria profesional con moito humor e paixón, dos seus comenzos e da persecución dos soños de cada quen.

“Durante 2 horas o alumnado da 4º da ESO do IES de Quiroga, Escolapios, do CPR Ferroviario e do IES Daviña Rey, ademais do alumnado deste centro de ciclos escoitou, participou e preguntou nesta actividade de presentación de oferta formativa no noso centro, con moito da paixón que é tan necesaria nestes tempos tan dixitais”, destacan desde o centro. “A todos eles os esperamos no Daviña para dar resposta ás súas necesidades formativas cunha ampla oferta de ciclos”.

Xornadas profesionais IES Daviña Rey / IES Daviña Rey

ÚLTIMAS

Torre da Homenaxe en verde este 21 de xuño no Día Mundial da ELA

Como xesto simbólico e en sinal de apoio ás persoas con ELA (Esclerosis Lateral...

Quiroga formará a traballadores de atención a persoas con dependecia e axuda no fogar

O ISSGA, Instituto de Seguridade e Saúde Laboral de Galicia, no seu Plan de...

Este 21 de xuño preséntase no Auditorio de Chantada o proxecto do Museo Manuel Jorge

A xornada incluirá un coloquio e unha visita ao edificio que albergará o museo,...

286.000€ para a mellora do Aeródromo das Lamas en Monforte

Asfaltarase o firme da pista de voo a través de aglomerado en quente e...