A primeira cita terá lugar o 5 de xullo. Lila Teatro representará a partir das 23:00h. na Praza do Concello a obra “Diógenes”. O día 12 actuarán Paty Lesta & The Hits, cuarteto formado por voz, piano, contrabaixo e batería que repasará en concerto algúns dos hits que marcaron a historia da música con artistas como Joe Cocker, Michael Jackson, Tina Turner, Luz Casal, Elvis Presley, Queen ou Police.
A Praza do Concello volverá a encherse de música o 19 de xullo ás 23:00h. Iria Estévez e a seu repertorio de fados en “De Amalia a Chavela”. Un día despois, o 20 de xullo, regresan as representacións teatrais, Teatro ó Cubo representará desde as 22:30h. na Praza do Concello, A Utópica Rodante “De Vilatriste a Vilalegre”.
A programación cultural no mes de xullo complétase con dúas propostas, que terán lugar os días 23 e 24 de xullo. Na primeira xornada contarase cunha actividade do programa Ler conta moito. Ás 11:30h. na casa da cultura a Compañía Garabullos porá en escea “Pirula e o misterio das abellas”. O día 24 o cantante e compositor galego, Roi Casal, ofrecerá ás 23:00h. na Praza do Concello, o espectáculo “Xira ambos mundos”.
A programación de agosto ábrese o día 2 cunha nova actividade do programa Ler conta moito. Ás 11:30h. na casa da cultura, a narradora e titireteira, Carmen Domech, achega aos nenos e nenas de Pantón, “Onde viven os monstros”. O 9 de agosto, o actor, humorista e monologuista, Alberte Montes, ofrece o seu monólogo, “Patrón”, ás 22:00h. na Praza do Concello.
A ilustradora e autora de cómics, Bea Lema, chega o 16 de agosto ás 11:30h. á casa da cultura, co programa Ler conta moito, e a súa proposta “Ilustración con tecido e fío”. O Verán Cultural e Pantón rematará o 23 de agosto. Xograres de Lemos ofrecerá música de baile desde as 22:00h. na Praza do Concello.
“Esta programación cultural para os meses de xullo e agosto completarase coas nosas Festas Pantronais e con citas de referencia no noso concello como Trece Roeis ou a Rota do Románico de Pantón que aínda ten actividades durante este mes. Ademais desde este 1 de xulllo temos os Campamentos de Verán co servizo madruga para favorecer a concilicición e este 2 de xullo abrimos as piscinas. Con todo queremos que veciños e visitantes teñan en Pantón durante estes meses as alternativas de lecer que buscan”, asegura o alcalde, José Luis Álvarez.
