O libro é un percorrido pola segunda metade do século XX, no que se mostra a transformación da cidade de Monforte de Lemos, tanto no seu apartado urbanístico como social. A través da cámara de Tino Vila, pódense rememorar aqueles anos e volver lembrar momentos históricos, atopar a familiares e coñecidos e ver a evolución das rúas e edificios da cidade.

No acto estarán presentes, Ángel Arnáiz, xornalista e colaborador do diario El Progreso, que foi o encargado de redactar os textos que acompañan as imaxes, ademais de identificar as persoas que saen nas fotografías; Ramón González Álvarez, Ramón da auga, amigo da familia Vila e encargado, xunto con Arnáiz da identificación das fotografías e Jacobo R. Agrasar, editor do libro con “Agrasar Editores”, editorial monfortina.

A entrada é libre ata completar aforo.