Un dos grandes retos do Festival, con sede nos Peares, é reunir a grandes músicos de relevancia internacional para convivir e traballar xuntos ao longo dunha semana, ofrecendo concertos nunha zona de atractivo inigualable como é a Ribeira Sacra.

Nesta edición os artistas residentes foron Pablo Hernán e Afonso Fesch, violíns; Tomoko Akasaka, viola e violonchelistas Thomas Grossenbacher e Beatriz Blanco, directora artística do Festival. O Concerto de Inauguración correu a cargo do gañador do Premio Galimusic-Fest Clásico Ribeira Sacra 2023, David Martínez, quen cautivou ao público asistente.

O Premio de Clásica Ribeira Sacra 2024 Galimusic-Fest foi concedido á viola, Amalia Bosch, que tamén obtivo o Premio do Público. Cómpre salientar que este ano o Premio suma ao Concerto de Inauguración un premio económico en forma de Bolsa de Estudos de 1.000 € grazas á colaboración da AIE.

O Festival conta con apoios por diferentes vías, dende a Deputación de Lugo, o Consorcio Turístico da Ribeira Sacra e o Consorcio Local dos Peares, AIE, os Bispados de ambas provincias, e os Concellos implicados. Así como diferentes empresas colaboradoras como Naturgy, Galimusic, Caixa Rural Gallega, Onda Cero, Gadis, Regina Viarum, Iberik Augas Santas e Paradores.

Premiada Amalia Bosch