O pintor lucense, Maximiliano López, vén de inaugurar no Círculo Saviñao a exposición de pintura e debuxo “obra plástica e gráfica recente”.

É unha interesante colección de óleos, acrílicos, grafitos e técnica mixta que atraerá o interese dos socios e veciños.

“Durante 20 anos sempre se lle acolleu con agarimo e amizade por parte dos socios desta entidade”, destacan desde o Círculo Saviñao e lembran que a mostra se pode visitar ata o 20 de abril, xa en Semana Santa, no local social.