HomeCulturaA exposición polos 25 anos do Camiño Francés como Patrimonio Mundial chegará...

A exposición polos 25 anos do Camiño Francés como Patrimonio Mundial chegará a Sarria

A exposición itinerante que conmemora o 25 aniversario do Camiño Francés na lista do Patrimonio Mundial da Unesco, organizada pola Consellería de Cultura e Turismo, trasladarase nas vindeiras semanas ata Lugo, Palas de Rei e Sarria.

Publicado o

- Advertisement -

Segundo lembra a Xunta, a mostra realiza unha retrospectiva sobre este “fito” que supuxo “un punto de inflexión” na peregrinación a Santiago no contexto do Xacobeo 93.

Durante as vindeiras datas a exposición recalará na Delegación Territorial da Xunta en Lugo, para despois pasar por Palas de Rei e Sarria, sendo este o cuarto municipio que recibirá esta exposición na que foron invitados a participar todos os concellos desta Ruta Xacobea. A mostra púidose contemplar por primeira vez no Centro Galego de Arte Contemporáneo (CGAC) o pasado mes de decembro, coincidindo co acto conmemorativo deste aniversario.

Ademais desta exposición, a Consellería de Cultura e Turismo promove diversos eventos e iniciativas para celebrar os 25 anos do Camiño Francés como Patrimonio Mundial. Entre eles, a Xunta destaca a recente iluminación en tons azuis de preto dunha decena de monumentos ao longo deste itinerario.

Esta acción permitirá que galegos e peregrinos poidan ser partícipes dun aniversario que marcou un antes e un despois para o Camiño de Santiago ata a súa dimensión e recoñecemento actual. Trátase dun dos itinerarios de peregrinación máis universais e que contribuíu decisivamente á protección e conservación do seu patrimonio así como tamén ao desenvolvemento socioeconómico de importantes cidades que forman parte do mesmo como Sarria.

ÚLTIMAS

‘Miconcurso de tapas’, iniciativa dos Lactourus para dinamizar a hostalería de Monforte

A Asociación Micolóxica Os Lactouros organiza os vindeiros mércores 18 e xoves 19 de...

Interrompida a circulación ferroviaria entre Sanclodio-Quiroga e Monforte

Adif vén de comunicar na súa páxina web e nas redes sociais unha interrupción...

FEARS celebra o 12 de decembro en Pantón un foro sobre o futuro da candidatura da Ribeira Sacra a Patrimonio da Humanidade

No encontro reflexionarase colectivamente sobre a candidatura da Ribeira Sacra a Patrimonio Mundial e...

A Deputación licita melloras en estradas de Sarria, Láncara e O Saviñao

A Deputación licita un investimento de superior ós 915.000 euros para o arranxo e...