A Escola Municipal de Música de Sober vén de celebrar o seu festival de fin de curso. Conmemoraron tamén o seu medio século de vida con moita música e unha tarta para todos e todas.
A celebración dos 50 anos da Escola prosegue este domingo co Festival de Bandas Infantís e Xuvenís no que van participar a Banda Infantil de Boborás, a Banda Infantil e Xuvenil de Vilanova dos Infantes e Banda Infantil e Xuvenil de Sober. Ás 13:00 horas no Centro Sociocultural.
O alcalde de Sober, Luis Fernández Guitián, destaca que cada ano a matrícula da Escola Municipal de Música medra, acollendo a alumnado non só da vila senón de poboación próximas e incluso doutras provincias. Ademais, a Escola suma cada ano novas ensinanzas musicais, o que permite que sexa unha extraordinaria canteira da Banda de Música de Sober, unha formación con máis de 160 anos de historia.
