A nova entrega do podcast promovido pola Vicepresidencia da Deputación de Lugo baixo o título “Folcast” viaxa nesta ocasión á Terra de Lemos. Xosé Gago e Vanesa de Vilaesteva entrevistan a distintas persoas deste ámbito territorial para coñecer as particularidades e situación da música tradicional e oralidade neste territorio.
Neste capítulo inclúese unha entrevista con Carme López. Carme, natural do Incio, está a xirar co álbum “Vinde Todas” do seu proxecto Carmela, xunto a Mounqup e Sara Méndez. O disco mestura un coñecemento profundo das músicas tradicionais cun uso de efectos e bases electrónicas.
Carme, ademais, é investigadora e formadora. Precisamente esta visión poliédrica sobre a música tradicional é a que se dá nesta entrevista, na que se reflexiona sobre a actualización das coplas e das músicas tradicionais.
FOLCAST
Todos os episodios desta serie están sendo subidos á plataforma Spotify, e agora tamén a Ivoox, YouTube, Apple Podcast e Amazon Music. Pódese seguir a actualidade do proxecto no perfil @folcast_radio en Instagram.
