Este ciclo foi unha das principais novidades do Programa de Verán de 2022, e tivo continuidade tanto no ano 2023 como o ano pasado e “dado o éxito acadado, volvemos a incluílo na nosa programación de verán de 2025, apostando decididamente por darlle protagonismo á actuación de grupos monfortinos. Tan é así o éxito acadado, que se constituíron nestes tempos novos grupos de músicos locais”, subliña o alcalde, José Tomé.
Este luns actuaron na Compañía Cero2Cero e Malenne. Xa este martes, 19 de agosto, Cool Flanders ofrecerá un concerto ás 22:30h na Praza de España, ás 00:00h comezará a actuación de Dinosaurios. O resto de actuacións desenvolveranse conforme ao seguinte calendario:
MÉRCORES 20 AGOSTO
- 22:30h Praza da Estación, El Mundo de Sofía Band
- 00:00h Praza da Estatación, Segunda Parte.
LUNS 1 SETEMBRO
- 22:30h Praza da Compañía, Deloreans
- 00:00h Praza da Compañía, Los Jinetes del Trópico
MARTES 2 SETEMBRO
- 22:30h Praza da Estación, Nectarine Soul
- 00:00h Praza da Estación, Deuce
MÉRCORES 3 SETEMBRO
- 22:30h Praza de España, Galga Blues Band
- 00:00h Praza de España, Bella Chos
Este ciclo de concertos é “unha aposta firme do Concello de Monforte polos grupos monfortinos, para dar a coñecer a súa creatividade e as súas propostas en diferentes estilos musicais tanto ós nosos veciños como ás persoas que nos visitan”, sinala o alcalde.
