A exposición ‘Sempre en Galiza. 1944-2024’ é unha mostra dedicada á obra cume de Castelao e ao seu impacto no pensamento político e no nacionalismo galego. Trátase dunha serie de paneis con textos explicativos, fotografías e debuxos do autor.
A exposición pode visitarse no salón de actos da Casa da Cultura ‘Olga Novo’ desde este xoves ata o 29 de agosto, de luns a venres en horario de 10:30 a 13:30, pasando previamente pola Biblioteca municipal para solicitar a chave.
O sábado, 30 de agosto, tamén na Casa da Cultura, terá lugar a representación teatral ‘Cousas de Castelao’ da compañía Os Quinquilláns. A peza é unha divertida versión da colección de relatos Cousas que transita entre a traxedia, a comedia e a farsa e na que están presentes os grandes temas da obra orixinal: ecoloxía, solidariedade, emigración, xustiza social…
O espectáculo comezará ás 20:30h cunha visita teatralizada á exposición ‘Sempre en Galiza’. Ás 21:00h comezará a obra teatral cunha duración aproximada de 55 minutos
