Na 10ª edición do certame, o centro logrou o máximo galardón da categoría “ANUNCIO” para alumnado de 2º ciclo de ESO coa curtametraxe AUTÓMATA. Esta sección do festival premia producións audiovisuais de curta duración que transmiten mensaxes de concienciación e educación en valores.
O acto de entrega de premios celebrarase o próximo 22 de novembro no Palau da Música de Valencia. O proxecto premiado foi desenvolto ao longo do curso 2023/24, dentro da materia de Dixitalización de 4º de ESO. e forma parte do proxecto educativo “El Rincón de Leonardo” que este centro leva varios anos desenvolvendo.
AUTÓMATA convida a reflexionar sobre a crecente deshumanización da sociedade moderna, e pode visionarse en liña a través nesta ligazón.
Este colexio xa fora recoñecido nas dúas edicións anteriores do prestixioso festival: en 2023 con “La chica de la ventana” e en 2024 con “La buena elección”. “Este novo recoñecemento supón un orgullo para todo o centro e un estímulo para seguir apostando pola creatividade, a innovación e a educación en valores a través da linguaxe audiovisual”, sinalan desde o Colexio Escolapios de Monforte.
Produtores Autómata / Escolapios Monforte
