A Irmandade Cultural País do Faro organiza unhas xornadas divulgativas para conmemorar o X aniversario da publicación “Alicerces. Revista de estudos do Miño medio”.
No que se refire ao programa, que comeza coa benvida dos organizadores ás 17:00 h., destacan 3 charlas nas que se falará de política, arte e muller; e un coloquio de peche.
PROGRAMA
17:10 h. “Chantada: Restauración e República”. O relator será Carlos Fernando Varela, Catedrático de Lingua Literatura e Galego.
17:45 h. “Modernidade arquitectónica na Ribeira Sacra. Antonio Tenreiro Brochón e os novos poboadores hidroeléctricos”. A cargo de Carla Fernández Martínez, profesora do Departamento de Historia da Arte e Musicoloxía da Universidade de Oviedo.
18:20 h. Descanso.
18:30 h. “O poder das mulleres na Idade Media galega”. O relator será Miguel García-Fernández, historiador do Instituto de Estudos Galegos Padre SArmiento (CSIC Xunta de Galicia).
19:05 h. Coloquio.
A entidade organizadora aproveita para agradecer a colaboración do Concello de Chantada e a Área de Cultura da Deputación Provincial de Lugo ao longo destes anos. E tamén darlle as grazas ás empresas que colaboran na organización do evento: Queixería Airas Moniz, Hotel Mogay, Castañas Naiciña, Embutidos Landra, Galletas Daveiga, Galletas Xianas, Distribucións Lebreiro, Panadería Xinxán, Adegas Lareu, Adega Instinto Romano e Adega Virxe dos Remedios.
