No certame poderán participar todos os centros de ensino de Monforte de Lemos representando unha soa obra de teatro. Poderán participar como invitados outras asociacións ou colectivos locais despois da correspondente petición e da aceptación por parte da Delegación Municipal de Cultura.

As solicitudes de inscrición presentaranse no Rexistro Xeral do Concello antes do 1 de abril. A documentación que haberá que presentar é título da obra, autor, reparto, nome do director, sinopse e duración da mesma. Todos os participantes no Certame deberán pertencer obrigatoriamente ó centro ó que representan. As obras deben ser estreadas no certame e ter unha duración mínima, de media hora.

O Concello colaborará cos centros de ensino participantes aportando material para a realización da obra por unha cantidade máxima de 100 euros. Os premios consistirán na gravación en DVD das obras representadas que serán entregadas ós centros participantes, así como dun diploma acreditativo para cada un dos participantes. A entrega de premios terá lugar no Salón de Actos da Casa da Cultura Poeta Lois Pereiro o 13 de maio ás 18:00 h.