Na Zona Sur foron beneficiarios de axudas para contratación de actividades a través do ciclo de fomento da lectura “Ler conta moito” os seguintes concellos: Bóveda, Carballedo, Chantada, Monforte de Lemos, Pantón, A Pobra do Brollón, Quiroga, O Saviñao, Sober e Taboada.
O catálogo de Ler conta moito inclúe un amplo abano de accións dirixidas ao público infantil, xuvenil e adulto. Entre outras, figuran obradoiros creativos; propostas de narración oral como contacontos, exposicións ou charlas; divulgación literaria a través de encontros con autores, clubs de lectura e similares; así como outras actividades centradas en temas de interese social ou cultural.
Ademais, ofértanse proxeccións audiovisuais, audicións, ciclos de cine e música, creación de contidos dixitais, proxectos de artes escénicas, exposicións ou roteiros para descubrir escenarios literarios, entre outros.
