Despois de moito tempo a Asociación Cultural Segredos de Pantón anda a preparar, 6 anos despois, unha nova edición de Cultiva Cultura, un programa de actividades para gozar e coñecer Pantón nos meses de xullo, agosto e setembro. Ademais, a entidade alcanza este 2026 os dez anos de existencia e cre que é unha bo cousa recuperar esta iniciativa cultural.
A través dun formulario recollerán o contacto das persoas interesadas ao tempo que preguntarán pola opinión respecto dos roteiros ofrecidos para esta edición. E como novidade, din dende a entodade, “tentaremos repetir un roteiro que xa fixeramos pero segundo os vosos votos”.
ROTEIROS PROPOSTOS A VOTACIÓN
Roteiro polas Terras de Vilamirón: Nesta ruta irase ata Vilamirón, a Torre de Vilamirón e a Torre de Quitapesares. Incluíndo un paseo polo val do Regueiro.
Roteiro Nocturno: Un venres/sábado á tardiña proponse un paseo relatando historias algo escuras pola nosa contorna (gavilla de ladróns, asasinatos, seres escuros…). Terá lugar pola contorna de San Vicente de Deade e Sta. Mª de Ferreira. Máximo 6 quilómetros, ruta circular.
Entre A Pedrosa e a Torre de Vilamelle: Neste roteiro proponse coñecer a parroquia de Vilamelle, reparando nunha antiga torre, algunha historia militar, cultura do viño e arte popular.
O outro románico pantonés: Aquí a idea sería coñecer outros templos románicos do Concello de Pantón. Estes templos serían: San Martiño de Tribás, Santo Estevo do Mato e Santuario das Augas Santas.
Por último proponse á xente interesada votar por algunha das rutas xa feitas en edicións anteriores.
