Alumnado e familias do Colexio realizan entrevistas á xente de máis idade de todas as aldeas co fin de recabar datos sobre os usos antigos e personaxes típicos desta festa, así como comidas e doces, cancións, etc.

O obxectivo do estudo é coňecer e transmitir unha parte do patrimonio cultural do Courel bastante esquecido e relegado, aínda que moi rica e diversa, para poñela en valor retomando usos, máscaras ou personaxes tradicionais, ademais de arquivalo para o seu posterior estudo.

Para dar o primeiro paso neste coñecemento e divulgación do Entroido do Caurel, o Sábado, 2 de marzo, celebrarase unha festa en Folgoso a partir das 5 da tarde. Suxiren leva roupa vella para gozar da festa e levar un instrumento para ter unha gran foliada. Celebrarase unha merenda con doces típicos, para rematar vendo arder a Meca e o Meco.