Coincidindo co 90 aniversario da captura e fusilamento de Manuel Díaz González, coñecido como “o Pequeniño do Incio”, a asociación Memoria é Naufraga, co apoio da Vicepresidencia da Deputación, está a organizar unhas xornadas dedicadas á memoria histórica, que deron comezo co descubrimento dunha placa conmemorativa no que foi o derradeiro refuxio do “Médico dos Pobres” o venres 11 de setembro.
O vicepresidente da Deputación e deputado de Memoria Histórica, Efrén Castro, participou neste acto que calificou de “emotivo e simbólico, ao celebrarse na mesma data do paseo de Manuel, un home a quen todos lembraban como bo e xeneroso”. Ademais destacou a importancia das xornadas “e máis nestes tempos nos que hai quen nega a verdade do terror da represión franquista”.
O programa concreto da III Xornada da Memoria, dedicada a este represaliado, seguiu pola tarde do mesmo venres cunha conferencia e mesa redonda, coordinadas por Ramón Villares, no Vello Cárcere de Lugo.
AXENDA DE ACTIVIDADES PARA A FIN DE SEMANA
SÁBADO 12
Ás 13:00 h, na Casa da Memoria de Bóveda, concerto do cantautor Xosé Constenla, especializado en memoria histórica.
Ás 18:00 h, ofrenda floral no monolito xunto ao castiñeiro centenario onde foi asasinado o Dr. Manuel Díaz, entre Laiosa e O Incio. A continuación, homenaxe no busto situado na Praza da Vila de O Incio.
DOMINGO 13
Ás 12:00 h, proxección en A Casa da Memoria do filme “O Médico dos Pobres”, dirixido por Federico A. Riobóo.
Ás 14:00 h, xantar na honra de Manuel Díaz González.
Ás 16:30 h, “Historia e poesía: memoria viva”, con Xurxo Ayán e Olga Novo.
Ás 18:00 h, representación de “Vermellos”, a cargo da compañía Rebuldeira Teatro de Sarria.
