A curta “Descensos”, que une documental e ficción, conta a historia de dous descensos polos ríos Miño e Sil que realizaron un grupo de mozos e mozas no ano 1982 cunhas lanchas salvavidas de orixe soviética atopadas nun desguace de Vigo.

Aos materiais orixinais, fotografías analóxicas e películas de Super 8, únense o relato oral actual dalgunha das persoas participantes nos descensos así como a narración dun diario ficcionado, conectando a viaxe cun relato sobre os anos da Transición en Galiza e o rexurdir da música tradicional.

Ademais, a actividade nos institutos incluía obradoiros sobre formatos audiovisuais analóxicos que achegou ao alumnado unha pequena mostra de cámaras, películas, cintas e outros aparellos analóxicos, dándolles a oportunidade de explorar e experimentar a historia do audiovisual.